الفن والترفيه

عشان تبطلوا تجميل.. بسمة وهبة تعلن إصابتها بشلل عضلي بعد حقنة البوتوكس

قامت الإعلامية بسمة وهبة بالكشف عن طبيعة الحالة الصحية وهي التي تعرضت لها منذ فترة في مقطع فيديو قامت بنشره من خلال حسابها الرسمي على “إنستغرام”، وذلك بعدما تعرضت إلى أزمة كبيرة بعد حقن البوتوكس التجميلي.

بسمة وهبة تتعرض لشلل عضلي بعد حقن البوتوكس التجميلية

قامت بسمة وهبة بالتأكيد قائلة “باختصار اللي حصل إني كنت من شهر تعبانة جداً، ومكنتش بعرف افتح بوقى آكل ولا أدخل شوكة ولا حتى لقمة، وبالصدفة كنت موجودة في دبي رحت لدكتورة شاطرة جدا هناك، الدكتورة قالتلي ده  شلل عضلي  وضغط ومحتاجة علاج طبيعي للفك”.

واستكملت قائلة “بعد العلاج ماكنش فيه تحسن، فرحت تاني ليها وكانت مستغربة لأني مش بعاني من ضغوط أنا طول الوقت بحب الضحك، وطلبت مني عمل منظار، رجعنا لورا شوية وبعدين افتكرت إني كنت عاملة حقنة بوتوكس في منطقة الرقبة، وللأسف دخلت على الأحبال الصوتية عملتلي الأزمة دي”.

استطرد قائلة “مش هتكلم عن مين عمل كده لأني رحت مكان موثوق فيه مش مكان رخيص، وممكن أكون حالة حصل معاها غلطة، بس عاوزة أقول إن الناس بعد كده تاخد بالها واتقوا الله فينا، والدكتورة دلوقتي نصحتني إني صوتي مايبقاش عالي وما عملش مجهود”.

اختتمت قائلة “أنا بطلب منكم انكم تاخدوا بالكم، بطلب من اللي بتروحولهم يا ريت تاخدوا بالكم وتتقوا الله فينا”، وهي أيضاً في الفترة الأخيرة كانت قد تعرضت إلى وعكة صحية اضطرت بسببها السفر للحصول على العلاج المناسب.